Samfélagsleg ábyrgð fyrirtækja felst í því að fyrirtæki leggi sitt af mörkum til þess að stuðla að framförum í samfélaginu með því að gera meira en lög og reglugerðir krefjast. Fyrirtæki geta lagt sitt af mörkum með því að stuðla að aukinni velferð starfsmanna, viðskiptavina, hagsmunaaðila og samfélagsins í heild auk þess að huga að umhverfinu í gegnum daglegan rekstur. Samfélagið þarf á arðsömum og vel reknum fyrirtækjum að halda og sérhvert fyrirtæki þarf á heilbrigðu samfélagi að halda til þess að geta sinnt hlutverki sínu, vaxið og dafnað. Um leið og Eik fasteignafélag leggur áherslu á að skapa verðmæti og skila arði leggur félagið mikla áherslu á að vera efnahagslega ábyrgt, starfa innan þess lagaramma sem gildir, vera siðferðislega ábyrgt og vera eftirsóttur og öruggur vinnustaður.