Félagið býður nú nýjung með meiri þjónustu við leigutaka þar sem í boði verða á þriðja tug skrifstofurýma, mismunandi að stærð í rúmlega þúsund fermetrum á jarðhæðinni í Ármúla 13. Leigutakar munu hafa aðgang að fullbúnum fundarherbergjum, setsvæðum, eldhúsi o.fl. Vandað er til verka í hönnun, húsbúnaði og öðrum aðbúnaði en skrifstofuhótelið var hannað með hliðsjón af markaðsrannsókn sem Gallup gerði fyrir félagið.

Akkur er frábær valkostur fyrir fyrirtæki og einstaklinga sem kjósa sveigjanleika og gæði án langtímaskuldbindinga. Minni skrifstofurnar sem henta einyrkjum eru fullbúnar skrifborðum og skrifborðsstólum. Stærri skrifstofurýmin, sem henta tveimur til átta aðilum, verða afhentar án húsbúnaðar en hægt verður að leigja skrifstofuhúsgögn óski leigutakar þess. Í byggingunni er sturtu- og búningsaðstaða og læst geymsla fyrir hjól. Hægt er að leigja bílastæði sem aðgangi er stýrt að bæði í bílakjallara og á útiplani við bygginguna.

Nánari upplýsingar veitir utleiga@eik.is